حبيت شاركم بهموم المغترب المتهوم والمظلوم يا خطيتو
طبعاً لما بيغترب الإنسان ... ليش بيغترب ؟
...أكيد ليحسن واقعه المادي أو ليكمل دراسته وكمان الدراسة لتحسين واقعه المادي والمعنوي
لذلك المشاوير بحساب والزيارات والطلعه والفوته قليله بالغربه..
ولما بينزل هالمغترب ع بلده بغض النظر أيا بلد يعني مابدنا نحصر الحكي بمصياف ..
لما بينزل ع بلده بيكون متل الطفل يلي نسي الحكي ونسي المشي (إذا صح التعبير).. وبيتفاجأ بضجة الناس
ولخبطة الزيارات ........ ودق مين فتاح وإستقبلَ وودعَ ..
اللي بيبدأ من يوم وصول المغترب أو المغتربه للوطن لآخر يوم بالإجازه إذا كانت الإجازه قصيره
والشكوى ل الله إذا أظهر قليل من التعب والتململ من هالحاله أقرب الناس من حولك بيقلك
((( شو يااااااااااااا هلق صرتو أجانب ما عاد تحبو هالجمعت الكيسي)))
في الحقيقه .. وفي الواقع المرير ؟؟!!؟؟
الجمعات هي حلوه .. بس ساعه إلك وساعه لربك
لا بيرحمو ولا بيتركو رحمة الله تنزل
والمغترب بيكون متعود ع الوحده وتآلف معها.. وبيلاقي صعوبه يرجع لحياة اللاتنظيم
وحياة عدم إحترام حرية الإنسان الشخصيه
والواحد منا بحاجه للجلوس وحيداً أحيانا
الوحده أحياناً نعمه
والغربه أغلب الأحيان يا جماعه .....نعمه
أنا مغترب إذاً أنا ... أعيش ...
شو قولكن هالحكي صحي ؟؟ أو مبالغ فيه ؟؟
أنا بقعد يا عند أهلي يا عند بيت حماي 
