شو هل صور يا ادمن بتجنن

انا سنة القبل الماضية زرت كل هل مناطق لاذقية كسب صلنفة سد بلوران ما خليت والسنة ازا الله راد بدي زورهن

بالنسبة للاخ احمد الربيعي اهلا وسهلا فيك

بالنسبي وين بدك تزور يعني نصيحة بتطلع على لاذقية استقر هونيك وخلال النهار في تزور كسب صلنفة بلوران ام الطيور يعني كل هل مناطق الحواليها

وفيك قبل ما تسافر بيومين تقعد بالشام وتتفرج على الشام وتزور المناطق اللي فيها والمقاهي والمطاعم الخ

اما بالنسبة للمصاريف بدي اعرف نازل بسيارتك او بالطيارة وتستاجر سيارة من سوريا او رح تمضيها تنقل بالبولمانات مشان اعطيك تقريبا قديش لازمك مصاري

بو هارون

طيب ماشي رح احسبلك ياها هلق خلينا نقول بدك تستاجر سيارة حلوة متوسطة مو غالية لنقول يوميتها 1000 الى 1500 مو اكتر بدك ياها عشرة ايام 15000 حسب تنقلك بدك يوميا 1500 بانزين وسطيا كمان 15000 بدك بين اكل وشرب ازا مو كلوا مطاعم بس عل غدا رحت مطعم مرتب ومعك حدا تاني بدك 700 الى 1000 ليرة مع نفس اركيلة غداء مرتب .. وعشاء وفطور لنقول سندويات الى ما شابه ذلك خلينا نقول يوميا 800 ليرة بدك 8000 خلال عشرة ايام ازا قعدت باوتيل عادي بدك الليلة 500 ليرة هدا عادي وبلا اكل وشرب طبعا 5000 ليرة بدك اجارهي حسبتلك الاشياء المهمي غير ازا بدك تشتري شيء او تعمل شغلات استسنائية تانية كلوا بدو دفع عملي هههههههههههههههه هي الضروريات جدا على هوا ما قلتلي بيجو كلن يعني بدك وسطيا 50 الف سوري هدول بقدوك

ملاحظة السيارة بياخدو منك تامين بين 25 الف الى 50 الف انت وحظك بقا ههههههههههه طبعا ليرة سوري مو دولار

50 الف يعادل 1000 دولار يا حبيب وعليك تحسب شغلاتك انت لحالك

وازا حبيت تستفسر عن شيء تاني او ما فهمت شيء هون خبرني بقلك شو تعمل

وازا عندك حدا بسوريا تعرفوا بوفر عليك الاكل والنوم بكون احسن ههههههههههههههه وازا بتحب تاجل نزلتك على سوريا لانزل انا اهلا وسهلا بستضيفك عندي يا حبيب تكرم عينك

اهلا وسهلا فيك ايمت ما جيت يا غالي