للأسف يتم التكلم عن المغتربين في اسبانيا بالتحديد ولا أعرف لماذا؟؟؟!!!! عن أنهم فاشلون ههههههههههه !!!!!! نعم .... نعم.... وهذه المعلومات أكيدة وأنا شخصياً سمعت من أكثر من (شخص) حول هذا الحديث !!! وأنا قلت شخص لأن الأمور شخصية... ولكن أقول للذي وللذين يتكلمون هكذا دعوا أنفسكم من هذا الحديث وانظروا إلى أن الذين في اسبانيا من هم وأنتم من أنتم.... آسف على هذا الموضوع ولكن صدقوني أنه موضوع حقيقي ولم ولن أكذب بكلمة واحدة عن هذا الشيء..... ولا أعرف إن كان هذا الموضوع مكانه هنا ولكن وضعته هنا ومشيييييييييي الحال.... شكرا .... خيكو ديوس...

أخي راميس انت حطيت ايدك عالجرح تماماً.... الحكي نابع أكيد من الغيرة والحسد وما حدا بيطلعلوا يحكي عاللي موجودين باسبانيا أو بغير اسبانيا... وأنا عم عجل وادرس كتير منيح مشان انضم للفاشلين باسبانيا ههههههههههههههههههههههههههههههههههه.... وانشالله منصعد على القمر ههههههههههههههههه

و الله يا شباب أنا برأيي الفاشل فاشل وين ما راح
و الناجح ناجح وين ما راح

أما مين يقدر فهاد شي تاني

ولازم الواحد يعرف وين يبين مهاراتو

عدم المؤاخذة من أحلام العديدين الذين يدرسون الإنكليزي لأنهن بدهن يطلعوا ع أميركا أو إنكلترا

هدوول بدهن يبيعوا المي بحارة السقايين

ما تزعل مني ديوس بس شو بدك تقدم لإسبانية ؟؟؟؟ إسباني


برأيي فكر منيح قبل ما تحكي
و عبي بانزين قبل ما تفكر بالسفر بالسيارة

أنا واحد حكالي عن أميركا و هوي طبيب و معو غرين كارد
مع هاد أحسن شغل صحلو شوفير تكسي

قلي ما بيمشي حالك بأميركا إذا شهاداتك مو أميركية


أنا قلتلو شهاداتي كلها أميركية
بس ما بيمشي حالي إذا ما كنت أميركي


محد بيروح على الضيع يبيع بيض و قرن عنة و خبيزة وغيرو

فهمني مظبوط ولا تاخد الحكي بإنو سنيكل عما يحكي
و سنيكل بيكرهني
وما بعرف شو

أنا مو معقول أبدا إطلع على إسبانيا و معي غيتار كلاسيك و بدي سمعهن عزفي

ولا إطلع على إيطاليا لبيع كنادر و أعمل سباغيتي

ولا روح على فرنسا لأعمل عارض أزياء

أنا وجهة نظري قلتها

مرحبااااااا... أكيد أنا ما بدي قدم شي خيالي لاسبانيا متل ما تفضل الأخ سنيكيل......بس عالقليلة اذا قدمت سندويشة شاورما طيبة واشتغلت شيف للأكل رح يحترموني....
يعني باسبانيا أو غير اسبانيا بيحترموا الزبال... أما عنا لالالالالالالالا والزبال ناقص عنا وابن سوق الهال ناقص عنا واللي بيشتغل شوفير تكسي ناقص عنا واللي بيشتغل بياع مازوت ناقص عنا واللي واللي واللي..... يعني أنا الحكي ما بدي ضخموا كتير كتير بس كل القصد أنو في عالم بتحكي عن الفشل وهيي في أكبر مراحل الفشل.... يتركوا العالم تعيش متل ما بدها.... وأكيد متل ما قالت دودو فالحكي مردود عليهن.... بس يا جماعة وقت الواحد بيطلع وبيشتغل بغسل الصحون برا مو بس لأنو في مردود أكبر بس لأنو في احترام الو كمان... هادا رأيي ما بعرف يمكن غلطان...وانشالله بقدر قدم شي لاسبانيا ههههههههه....

اي إذا هيك ليش لاء

المهم إنك تكون دارس الموضوع

و المهم تتميز بعملك وين ما كنت

موفق إنشاء الله و بتمنالك الخير

ليش بقا خص نص باسبانيا يعني شو في او بشو بيفكروا انو صايرلكن باسبانيا
انو عم تلاقو مصاري على بارد المستريح بدون شغل يمكن مو هيك

والله معظم شباب مصياف طبعا لااقصد الجميع فاشلون بالغربة لانهم بدهم يشربو مته واركيله بالكروم والحليمات وبالغربه مفي هالشي لهيك معظمهم فاشل للاسف الشديد هذا الكلام من باب خبرة لاني مغترب اكثر من16سنة وشكرا لكم

معك حق يا مصياف بهل الحكي وانا واح من الناس اللي شفت هل شيء وبدون ذكر اسماء اجا واحد لهون عل كويت ما ضاين شهر وما طلعت روحو قال شوب وما بعرف وما عم اتحمل الغربي ومدري شو المهم راح على اساس اجازة قام ما رجع وشفتوا بمصياف عم يشتغل بطرطق مدري شو

المهم موضوع حديثنا انو المغترب مو لانو فاشل تغرب بل لانو بدو يحقق شيء ما في او مستحيل يحققوا عنا بسوريا ازا ما سرق ونهب الخ____________

وحكي الناس بمصياف مو اعتقد وبس انا متاكد من الغيري والحسد

على كل الله يعين الجميع ومشكلة البلد عنا هي الحكي عل الناس والحسد واللت والعجن خليها بالقلب اريح شيء

بو هارون